Герой сацыялістычнай працы
Быкава Надзея Паўлаўна
Нарадзілася 05.12.1922 ў в. Цярэшкі Верхнядзвінскага раёна Віцебскай вобласці (Беларусь).
Пасля заканчэння школы Надзея Быкава паступіла ў Полацкае педвучылішча. Усё змяніла вайна. Калі ў вёску ўварваліся фашысты, Надзея Паўлаўна стала партызанскай разведчыцай. Яна перадавала народным мсціўцам звесткі аб праходжанні варожых эшалонаў з жывой сілай і ваеннай тэхнікай, якія рухаліся праз станцыю Барковічы на ўсход.
З 1 красавіка па верасень 1943 была сувязной у партызанскай брыгадзе.
Сустрэла перамогу ў в. Грулева.
Пасля вызвалення Беларусі ад нямецкіх захопнікаў Быкава М.П. працавала ў бухгалтэрыі калгаса ім. Кірава.
У 1945-1949 - даярка калгаса імя Кірава Верхнядзвінскага раёна, у 1949-1959 звеннявая па вырошчванні лёну, даярка калгаса «Серп і молат».
З 1960 звеннявая па вырошчванні лёну ў калгасе імя Кірава.
Указам Прэзідыума Вярхоўнага Савета СССР ад 30 жніўня 1966 года М.П. Быкавай прысвоена званне Героя Сацыялістычнай Працы за атрыманне ўстойлівых ураджаяў лёну-даўгунцу і ўкараненне ў вытворчасць дасягненняў навукі і перадавога вопыту.
Пражывала ў в. Свiраўшчына.
Маюцца ўзнагароды: «Ветэран працы», «Ордэн Айчыннай вайны» II ступені, юбілейныя медалі.
Памерла 16.09.2003.
Пахавана ў вёсцы Жаўтаўшчына Верхнядзвінскага раёна.
Ляснічая Ефрасіння Паўлаўна
Нарадзілася 04.10.1903 ў в. Брушкова Верхнядзвінскага раёна Віцебскай вобласці (Беларусь). Перадавік сельскагаспадарчай вытворчасці.
Працоўную дзейнасць пачала ў 1931 годзе ў калгасе «Новы свет» Дрысенскага раёна.
З 1944 звеннявая ільнаводчага звяна ў калгасе «Прафінтэрн».
У 1953 Е.П.Ляснiчая ўступіла ў шэрагі КПСС.
З 1958 палявод у калгасе імя Ільіча. Восем гадоў прапрацавала Е.П.Ляснiчая звеннявой па лёне ў гаспадарцы. Яна з душой ставілася да любімай справы, добрасумленна выконвала свае абавязкі і вучыла майстэрству моладзь.
Званне Героя Сацыялістычнай Працы прысвоена за дасягненне высокіх ураджаяў лёну ў 1949.
За добрую працу, уклад у развіццё гаспадаркі ў 1965 ёй прысвоена званне Заслужаная калгасніца.
Узнагароджана ордэнам Леніна, медалямі.
Памерла 30.09.1976. Пахавана ў вёсцы Луначарскае Верхнядзвінскага раёна.
