Настройкі
Настройкі шрыфту
Arial
Times New Roman
Памер шрыфту
A
A
A
Iнтэрвал памiж лiтарамі
Стандартны
Павялічаны
Вялікі
Каляровая схема
Чорным
па белым
Белым
па чорным
Верхнядзвінскі раённы выканаўчы камітэт
Галоўная / Навіны / Навіны рэспублікі
3 лютага 2020

Урад зацвердзіў план падрыхтоўкі законапраектаў у 2020 годзе

Урад зацвердзіў план падрыхтоўкі законапраектаў рэспубліканскімі органамі дзяржкіравання ў 2020 годзе. Адпаведнае рашэнне замацавана пастановай Савета Міністраў нумар 54 ад 29 студзеня 2020 года, паведамляе БЕЛТА са спасылкай на сайт урада.

У план увайшлі 27 законапраектаў у розных сферах. У прыватнасці, прадугледжана падрыхтоўка законапраектаў аб унясенні змяненняў і дапаўненняў у Падатковы, Банкаўскі кодэксы, Кодэкс аб нетрах і Кодэкс унутранага воднага транспарту.

Будуць падрыхтаваны законапраекты аб унясенні змяненняў і дапаўненняў у законы аб занятасці, індывідуальным уліку ў сістэме дзяржаўнага сацыяльнага страхавання, спажывецкай кааперацыі, рынку каштоўных папер, інвестыцыях і інш.

Пастанова прадугледжвае таксама падрыхтоўку законапраектаў "Аб валанцёрскай дзейнасці", "Аб ліцэнзаванні", "Аб самарэгулюемых арганізацыях", "Аб узносах у бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь", "Аб дзяржаўнай рэгістрацыі і ліквідацыі (спыненні дзейнасці) суб'ектаў гаспадарання".

Таксама ў план уключана падрыхтоўка канцэпцый законапраектаў "Аб страхавой дзейнасці", "Аб аб'яднаннях наймальнікаў", "Аб доступе да інфармацыі аб дзейнасці судоў агульнай юрысдыкцыі", "Аб інфармацыі, інфарматызацыі і абароне інфармацыі".

Рэспубліканскім органам дзяржкіравання даручана забяспечыць своечасовую і якасную падрыхтоўку законапраектаў( іх канцэпцый), прадугледжаных планам, іх узгадненне з зацікаўленымі і прадстаўленне ва ўрад у вызначаныя тэрміны.