Настройкі
Настройкі шрыфту
Arial
Times New Roman
Памер шрыфту
A
A
A
Iнтэрвал памiж лiтарамі
Стандартны
Павялічаны
Вялікі
Каляровая схема
Чорным
па белым
Белым
па чорным
Верхнядзвінскі раённы выканаўчы камітэт
Галоўная / Навіны / Навіны рэспублікі
8 красавіка 2020

У час Тыдня лесу ў Беларусі заклалі 75 памятных алей

У час Тыдня лесу ў Беларусі высадзілі больш за 23 млн дрэў і заклалі 75 памятных алей, паведамілі БЕЛТА ў прэс-службе Міністэрства лясной гаспадаркі.

Новы лес быў створаны на плошчы амаль 5,5 тыс. га, асноўнымі пародамі традыцыйна сталі сасна, елка і бяроза. Валанцёры працавалі на 2 332 аб'ектах.

У час тыднёвай акцыі памятныя алеі ў гонар 75-годдзя Перамогі і герояў вайны з'явіліся ў 75 розных кутках краіны. На месцы кожнай была ўстаноўлена памятная таблічка.

Тыдзень лесу праходзіў з 28 сакавіка па 4 красавіка. У рэспубліканскай добраахвотнай акцыі прынялі ўдзел больш за 42 тыс. чалавек. Акцыю падтрымалі прадстаўнікі органаў дзяржаўнага кіравання, грамадскіх арганізацый і моладзь. Актыўны ўдзел у акцыі прынялі і працоўныя калектывы.

У прэс-службе адзначылі, што ў хуткім часе будуць падведзены вынікі конкурсу сярод школ. У кожнай вобласці будуць выбраны самая актыўная школа і самы актыўны клас, якія ўнеслі найбольшы ўклад у азеляненне краіны.